Ta’lim delegatsiyasimiz Tataristonda

Xalqaro hamkorlik asosida Surxondaryo viloyatidagi maktab o‘quvchilariga zamonaviy kasblarni o‘rgatish, ularni xorijiy ta’lim maskanlariga jalb qilish maqsadida ayni kunlarda Surxondaryo viloyati Maktabgacha va maktab ta’limi boshqarmasi boshlig‘ining o‘rinbosari Muhriddin Normurodov boshchiligidagi bir guruh tizim xodimlaridan iborat delegatsiya Tatariston Respublikasida bo‘lib turibdi.
Tashrifning ilk kunida surxondaryoliklar Tataristonning Yelabuga shahrida joylashgan “Alabuga” erkin iqtisodiy zonasida munosib kutib olindi. Iqtisodiy zona direktori o‘rinbosari Ildar Tazutdinov mehmonlar bilan samimiy suhbat qurib, safar davomidagi rejalar bilan ularni tanishtirdi.
Suhbat mobaynida o‘zaro do‘stlik ramzi sifatida sovg‘alar almashildi.