Termiz shahridagi Vatanparvar bog‘ida “Adabiy-ma’rifiy haftalik” doirasida “Milliy qadriyatlar sayli” va “Besh muhim tashabbus” talabalar festivali o‘tkazildi. Unda “Besh tashabbus” yo‘nalishlari bo‘yicha tanlov va musobaqalar, ko‘rgazmali chiqishlar, madaniyat, san’at va adabiyot mavzusida fotoko‘rgazma, liboslar, amaliy ijod namunalari, axborot-kommunikatsiya texnologiyalari ko‘rgazmalari namoyish etildi.
Shuningdek, universitet Talabalar teatr-studiyasi tomonidan atoqli adiblarning hayoti, faoliyati va asarlari asosida sahna ko‘rinishlari hamda “Zakovat” intellektual o‘yinlari o‘tkazildi.
Festival doirasida san’at, sport, tadbirkorlik va axborot texnologiyalari yo‘nalishlarida yuqori natijalarga erishgan taniqli shaxslar bilan uchrashuv va motivatsion master-klasslar uyushtirildi.
