Oromgohda ham…

Ta’tilda yoshlar vaqtini mazmunli tashkil etishlari mumkin. Yozgi dam olish oromgohlarida munosib xordiq chiqarishlari, qishloqda dam olishlari yoki qiziqish va ishtiyoqlariga hamohang tarzda to‘garak va mashg‘ulotlarda ishtirok etishlari mumkin.
Ana shunday aqidaga amal qilgan holda Oltinsoy tumani “Barkamol avlod” bolalar maktabining “Badiiy gimnastika” va “Stol tennis” to‘garak rahbarlari Mavluda Ibragimova va Fotima Nurullayevalar ta’tilda ham foydali ish bilan mashg‘ul bo‘lib, bolalar uchun xizmati va mehnatlarini ayashmayapti. Ular tumanda faoliyat olib borayotgan “Vaxshivor” va “Mirob” yozgi dam olish oromgohida faoliyat olib bormoqda.
To‘garak rahbarlari oromgohda dam olayotgan o‘quvchi-yoshlarni turli xil tadbirlar va sport o‘yinlariga jalb qilgan holda barchani mamnun qilishayotir.