Jajji shaxmatchilar bellashdi

Shaxmat sport turi qiziqarli va o‘ylashga, mushohada qilishga undashi bilan ahamiyatli. Shu sababdan ham bugungi kunda shaxmatga qiziquvchi yoshlarning safi tobora oshib bormoqda. Viloyat “Barkamol avlod” bolalar maktabida maktabgacha ta’lim tashkilotlari tarbiyalanuvchilari o‘rtasida “Shaxmat festivali” musobaqasining viloyat bosqichi o‘tkazildi.
Musobaqada tuman, shahar bosqichlarida g‘oliblikni qo‘lga kiritgan bolajonlar ishtirok etib, o‘zaro bellashishdi. Har bir o‘yinni kuzatish, ishtirokchilarning yurishlari o‘ziga xos bo‘ldi. Yakunda g‘olib va sovrindorlar munosib taqdirlandi.