“Inklyuziv ta’lim” loyihasining istiqbollari muhokama qilindi

2023-yil oktyabr oyidan Maktabgacha ta’lim agentligi bilan hamkorlikda YUNISEF xalqaro tashkiloti va Yevropa ittifoqi ko‘magi asosida ta’lim sohasidagi ijtimoiy xizmatlardan foydalanish imkoniyati bo‘lmagan jamoalar uchun Termiz shahri, Termiz va Muzrabot tumanlaridagi davlat bog‘chalarida o‘nta ko‘p tilli innovasion, inklyuziv muqobil guruhlar faoliyati yo‘lga qo‘yilganidan xabaringiz bor. Aytish kerakki, ushbu xalqaro hamkorlik natijasida vohada tashkil etilgan ko‘p tilli muqobil guruhlarga muhtoj oilalarning 400 nafardan ortiq 3-6 yoshli farzandlari, jumladan, viloyatda yashovchi afg‘on bolalari qamrab olingan.
Bugun, YUNISEFning O‘zbekistondagi vakolatxonasi rahbari Rexina Kastijio va Shveysariya elchixonasi xalqaro hamkorlik bo‘limi boshlig‘i Raxel Byosh hamda Maktabgacha ta’lim agentligi mutasaddilari Termiz shahridagi 31-sonli davlat maktabgacha ta’lim tashkilotida ko‘p tilli muqobil maktabgacha ta’lim guruhlarini tashkil etish bo‘yicha Surxondaryo tajribasi bilan yaqindan tanishishdi.
Tashrif davomida mehmonlar ko‘p tilli muqobil maktabgacha ta’lim guruhlarini tashkil etish bo‘yicha Surxondaryo tajribasi bilan yaqindan tanishishdi.
Shuningdek, xorijiy mehmonlar hamda qator mutasaddilar shahrimizdagi 3-sonli umumta’lim maktabida ham bo‘lishdi. Manzilda “Afg‘on muhojirlarining farzandlari uchun ta’lim va tarbiyada qulay inklyuziv muhit yaratish” loyihasi doirasida Surxondaryo viloyatida amalga oshirilayotgan ishlar muhokama qilindi.