Hokim yoshlar bilan uchrashdi

Viloyatda yoshlarga oid davlat siyosati sohasidagi ishlar natijadorligi va yoshlar bilan ishlash samaradorligini oshirish maqsadida viloyat hokimi Ulug‘bek Qosimov Termiz muhandislik-texnologiya institutida yoshlar bilan navbatdagi uchrashuvini o‘tkazdi.
Uchrashuvda 100 dan ortiq yosh o‘zlarining murojaat va takliflari bilan ishtirok etdi. Ana shunday takliflarga asosan joriy yil sentabr oyida notiqlik va kitobxonlik san’ati bo‘yicha yirik seminar tashkil etiladigan bo‘ldi. Shuningdek, yoshlar o‘z yashash hududlaridagi maktab va sport o‘yingohlarini ta’mirlash, turli madaniy-ma’rifiy tadbirlar hamda sport musobaqalari o‘tkazish masalalarida murojaat qilishdi.
Bildirilgan taklif va tashabbuslar qo‘llab-quvvatlanishi, ko‘tarilgan muammoli masalalar hal etilishi belgilandi.