“Yoshlar daftari” — imkoniyatlar daftari

Shunday insonlar borki, oilaviy sharoiti og‘irligini ro‘kach qilib, to‘rt muchasi sog‘ bo‘lsa-da, davlatdan ta’ma kutadi. Qabullarda nimadir ilinjida yuradi. Yana shundaylar ham borki, imkonsizlikdan imkon topishga, biroz qo‘llov bo‘lsa, oyoqqa turishga tirashadi. Sherobodlik Erkin Yormamatov ham ana shunday mehnatkash insonlardan. U bolaligidan tug‘ma 1-guruh nogironi bo‘lishiga qaramay, oziq-ovqat do‘konlarida ishlab oila byudjetiga foyda keltirishga urindi.
Sog‘ligi bo‘lmaganligi tufayli ko‘p vaqt uyida davolanishiga to‘g‘ri keldi. O‘zi mustaqil ish olib borish maqsadida mahallasidagi yoshlar yetakchisiga kompyuter xizmatlari xonasi ochish uchun kompyuter jamlanmasi so‘rab murojaat qiladi. Yoshlar yetakchisi tomonidan “Yoshlar daftari” jamg‘armasi orqali subsidiya asosida kompyuter jamlanmasi olib berildi. Hozirgi kunda o‘zi sevgan kasbi orqasidan 1 million so‘mdan ortiq daromad topmoqda.
Erkin kelajakda faoliyatini kengaytirib, o‘ziga o‘xshagan ishsiz yoshlarni shogirdlikka olib, o‘rgatib ish bilan ta’minlashni maqsad qilgan.