MTTlar planshet va internet uzatgichlari bilan ta’minlanmoqda

Zamonaviy texnika, texnologiyalar barcha sohalarda tub burilishlar yasab, katta qulaylik va munosib shart-sharoit yaratishga xizmat qilayotir. Farzandimizni bog‘chaga berib, qanday mashg‘ulotlar bilan mashg‘ul ekaniga qiziqamiz. Ana shunday paytda ularni kuzatishni imkoni bo‘lsa, degan o‘y-xayolimizdan o‘tishi aniq. Endilikda esa ana shunday imkoniyatlarning yaratilayotgani har bir ota-onani quvontiradi.
Maktabgacha ta’lim tashkilotlarida raqamlashtirish dasturi, bolalarni elektron davomatdan o‘tkazish ishlarining sifatini yaxshilash maqsadida Maktabgacha va maktab ta’limi vazirligi tomonidan Surxondaryo viloyatidagi 467 ta davlat maktabgacha ta’lim tashkilotlari uchun zamonaviy planshetlar hamda internet uzatgichlari(modem) ajratildi. Viloyat Maktabgacha va maktab ta’limi boshqarmasi mas’ullari tomonidan ushbu uskunalar o‘z egalariga bosqichma-bosqich yetkazib berilmoqda.