“Ezgulik — shiorimiz, maʼrifat — qurolimiz!”

Yurtimizda biror tadbir, sana munosabati bilan “Ma’rifat” targ‘ibotchilari hududlarda bo‘lib, ma’rifat ulashishlari an’ana tusini olgan. Bu safar ham respublika Ma’naviyat va ma’rifat markazi “Ma’rifat” targ‘ibotchilar jamiyati tomonidan “Ezgulik — shiorimiz, maʼrifat — qurolimiz!” shiori ostida madaniy-ma’rifiy tadbirlar o‘tkazildi.
Ushbu tadbir “Kitob karvoni” loyihasi bilan mushtarak bo‘ldi. Targ‘ibot guruhi a’zolari Termiz shahridagi harbiy qism kutubxonasiga 1000 dan ziyod o‘zbek va jahon adabiyoti durdonalaridan iborat kitoblar jamlanmasi taqdim etdilar. Umid qilamizki, ushbu qimmatli xazina yoshlarning ma’naviy olamini boyitishga, kitobga oshno qilishga xizmat qiladi.