Sahnada “Gulilola”

Date:

Navro‘z — bo‘y qizlarning husni jamolidek go‘zal, tarovatli, nazokatli. Navro‘z — milliylikka, o‘zlikka yetish fursati. Yangi kun bilan yuzlashgan o‘zbegim borki, bu kunni o‘zgacha, o‘ziga xos nishonlashga tutingan. Ha, Navro‘z — atrofga qarab, go‘zallikka hayrat ila boqayotgan bolajonning nigohidek pok va beg‘ubor. Shuning uchun ham bu kunda ezgu niyatlar qilib, ertangi kunga umid va ishonch bilan boqishni boshlaymiz. Erta tongdan Termiz shahridagi “Sanʼat saroyi”da “Olam nurga toʻlsin sen bilan, Navroʻz” shiori ostida boshlangan Navro‘z sayillari ham ana shunday yuqori kayfiyatda boshlandi.
Muhtasham saroyga kirganning e’tiborini “Gulilola” raqs ansamlining go‘zal raqqosa qizlari yorug‘ yuz bilan qarshi olib, nazokat ila xirom aylashadi. Egnilaridagi surxoncha libos zap yarashganki, boshlariga qo‘ndirib olgan tugunlari bilan shunday raqsga tushishadiki, boshqa bo‘lganida, albatta, bu tugunlar bir necha bor yer bilan yuzlashardi. Ushbu raqs ansamblida raqs tushayotgan Shohida Shodiyeva, Nilufar Toirovaning ham tajribasi katta. 4-5 yilki, raqsga tushishni o‘ziga sevimli mashg‘ulot deb bilgan qizlarning kasbu korlari, tanlagan sohalari san’atdan yiroq bo‘lsa-da, sevimli mashg‘ulotini tashlashga ko‘zlari qiymaydi. Iroda Ikromova ham raqqosa qizlarga munosib izdosh. Hali raqs ansambliga kelganiga 1 yil to‘lmagan bo‘lsa-da, chaqqonlig-u mahoratda opalaridan sira qolishmaydi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

G‘alla o‘rim-yig‘imi boshlandi

Yutimizda kuni kecha ekin-tikin ishlari boshlanib, ko‘z ochib yumguncha...

Foydali va maqsadli loyihalar ish boshlamoqda

Bugun o‘zgarishlar, yangilanishlar ostonasida turibmiz. Eng muhimi, har bir...

Qurilishga start berildi

O‘z imkoniyatlarimizdan to‘g‘ri foydalansak, jahon bozorida o‘z o‘rnimiz va...

300 polvon kurash tushdi

Kurash haqida ko‘p va xo‘b to‘xtalganmiz. Sababki, kurash yoshlarning...
KunTun
KunTun