“Talabalar bahori” yoshlar festivali boshlandi

Yoshlarga imkon berilsa, ular kosmosni-da zabt etishga qodir. Ana shunday imkoniyatlardan foydalanib kelayotgan yigit-qizlar jamiyatnng har jabhasida faollik ko‘rsatib kelishayotir. Ertangi kun egalari kutilayotganidan-da ko‘proq natijalarga erishib, bildirilgan ishonchni oqlashayotgani quvonchli.
Yoshlarning vaqtini mazmunli o‘tkazish, ularni qo‘llab-quvvatlash maqsadida turli tadbirlar uyushtirilib kelinmoqda. Ayni bayor ayyomining boshlanishi bilan Termiz shahrida “Talabalar bahori” yoshlar festivaliga start berilishi barcha yoshni bir maqsad yo‘lida birlashtirdi. Buni erta tongdan festival doirasida yugurish marafoni sabab Termiz shahridagi “Surxon” sport majmuasi yoshlar bilan gavjum bo‘lganidan ham sezish qiyin emas.
Ushbu nuqtada boshlangan ommaviy yugurish marafoni 3 kilometr masofa etib belgilandi va finish chizig‘i “Bolajon” istirohat bog‘i chorrahasiga qadar bo‘ladigan bo‘ldi. Barcha sog‘lom turmush tarzini targ‘ib etgan holda faollik ko‘rsatib yugurdi.