Sangardak mahallasi raisi g‘olib

Eng namunali mahalla raisi sifatida Sariosiyo tumanidagi Sangardak mahallasi raisini e’tirof etish mumkin. O‘zbekiston Respublikasi Prezidentining 2023-yil 21-dekabrdagi “O‘zbekiston mahallalari uyushmasi faoliyatini yo‘lga qo‘yish va mahallalarda boshqaruv tizimini takomillashtirishga oid qo‘shimcha chora-tadbirlar to‘g‘risida”gi PQ-402-son qarori bilan tasdiqlangan “Yo‘l xaritasi”ning 22-bandiga muvofiq o‘tkazilgan “Eng namunali mahalla raisi” tanlovining viloyat bosqichida bu aniq bo‘ldi.
Aytish kerakki, mahalla raisi o‘z hududidagi aholini yaxshi bilishi, ularning dard-u tashvishi, muammolari bilan qiziqishi, munosib yechim topishi uchun bor imkoniyatlarini ishga solishi kerak. Bu borada Sangardak mahallasi raisi O‘.Mirzayevning tajribasi katta. U mahalladagi har bir fuqaroni yaxshi taniydi, o‘z ishining ustasi bo‘lgani uchun ham sangardakliklarning hurmati cheksiz. U kishining viloyat bosqichida g‘olib bo‘lganini eshitgan mahalladoshi borki, raisi munosib baholanganidan shod.