Daraxt kesmang, jarima oshirildi

Bir nihol ekib, gurkirab yashnashi uchun qancha vaqt ketadi. Ammo, uni kesib, bir zumda shuncha mehnatni zoye ketkazish hech gap emas. Yaxshiyamki, qonunchilikda daraxt kesganlik uchun jarima bor, aks holda tiriklikni nes-nobud qilishimiz ham haqiqat.
Qonunchilikka kiritilgan o‘zgartirishlarga ko‘ra, 2024-yil 1-martdan boshlab daraxtlar, butalar, boshqa o‘simliklar va nihollar qonunga xilof ravishda kesish, kundakov qilish, shikastlantirish, yo‘q qilish yoki boshqa joyga ko‘chirib o‘tkazgan fuqarolar — 8,5 million so‘mdan 17 million so‘mgacha (shu paytga qadar 1,7-3,4 million so‘m), mansabdor shaxslar esa 17 million so‘mdan 25,5 million so‘mgacha (shu paytga qadar 3,4-5,1 million so‘m) jarimaga tortiladi.