102 YOSHDA HOJI ONA BO‘LDI

Niyat ezgu bo‘lsa, qachon bo‘lmasin, u albatta, amalga oshar ekan. Bandixon tumani “Bahoriston” mahallasida yashovchi onaxon Sayfa Islomova ham muborak Umra Haj safariga borishni astoydil istagan ekanki, bu istak uning 102 yoshida o‘z ro‘yobini topdi.
Sayfa momo o‘g‘li va kelini hamrohligida ziyorat amallarini bajarib, hoji ona bo‘lib qaytdi. Hoji ona yurtboshimiz tomonidan keksalarga yaratilgan shart-sharoitlardan mamnun, ziyorat chog‘ida ham yurtimizga tinchlik va xotirjamlik tilab, duodan to‘xtamaganini ta’kidlaydi onaxon.