Endi o‘z uyi bor

Uy — vatan ichra kichik bir vatandir. Afsuski, hammaning ham qo‘nim topgan boshpanasi bo‘lavermaydi. Ammo, yurtimizda hech bir fuqaroning og‘ir holatda tushib qolishi, qiyin vaziyatlarida tashlab qo‘yilmaydi, balki qo‘llab-quvvatlanadi, kerakli yordam ko‘rsatiladi. Qumqo‘rg‘on tumani “Kattako‘l” mahallasida yashovchi ijtimoiy himoyaga muxtoj, yolg‘iz ona Umida Jumayeva bilan ham shunday bo‘ldi. Uning oilaviy sharoiti, uyga muxtojligi e’tiborsiz qolmadi va tuman hokimligi tomonidan homiylar ko‘magi bilan yangi 2 xonali uy-joy qurib berildi.
Yangi qurilgan uy-joy Umida Jumayevaga tantanali ravishda topshirildi. Eni bu ayol o‘z vataniga ega. Farzandlari bilan qishda sovuqdan, yozda issiqdan asrovchi, baxtli, quvonchli lahzalarini o‘tkazguvchi boshpanasi bor. Umida Jumayeva homiylardan, uyini qurib berishda yordam bergan barchadan minnatdor bo‘lib, xursandchiligi va quvonch ko‘z yoshlarini yashira olmadi.