Ko‘krak nishonlari topshirildi

Vatan tayanchi degan nomning o‘ziyoq kishi qalbida faxr-iftixor uyg‘otadi. O‘zini vatan koriga yaraydigan insondek his etishiga sabab bo‘ladi. Bu shunchaki nom emas, bu fidoyilik talab etadi. Prezidentimizning 2022-yil 2-martdagi PQ-150-sonli qarori ijrosi yuzasidan Sherobod tumani IIB boshlig‘i, 3-sektor rahbari podpolkovnik N.Narzullayev tomonidan tumanning “Mehrobod” mahallasidagi 6-sonli umumta’lim maktabining 20 nafar 11-sinfning namunali o‘quvchilariga O‘zbekiston Respublikasi Mudofaa vazirligi tomonidan yuborilgan guvohnoma va “Vatan tayanchi” harakatining emblemasi aks etgan ko‘krak nishonlari topshirildi.
Ko‘krak nishonlarini topshirish marosimi o‘quvchi-yoshlarda katta taassurot qoldirdi. Bir tomondan taqdirlanganlarning yuz-ko‘zidagi xursandchilik, boshqa tomondan o‘quvchilarning havas ila boqishlari bilan o‘zgacha shukuhda o‘tganini ko‘rsatadi.
Marosim shu bilan yakunlanmadi, tuman IIB boshlig‘i podpolkovnik N.Narzullayev maktabning 11-sinf o‘quvchilarga “Vatanparvarlik” mavzusida qizg‘in dars o‘tib berdi. Shuningdek, namunali o‘quvchilarga tuman IIB boshlig‘ining badiiy kitoblar jamlanmasi topshirildi. Bir soatlik dars orqali yoshlar yurtimizda amalga oshirilayotgan keng islohotlardan xabardor etilib, yaratilayotgan imkoniyatlardan unumli foydalanishga chorlandi.