Bilim va ko‘nikmalar mustahkamlanmoqda

Bugunning bolasi maktabdagi ta’lim-tarbiya, fanlarga oid bilimlar bilan kifoyalanib qolmasdan, san’at, sport va kasb-hunar sirlarini-da o‘rganib, o‘z tirishqoqliklarini namoyish etishmoqda. Ana shunday harakatlarga javoban Sho‘rchi tumanidagi “Barkamol avlod” bolalar maktabida fan, sport, san’at va kasb-hunar to‘garaklari tashkil etilgan. Shu bilan bir qatorda maktablar negizida tarmoq to‘garaklari ham o‘quvchi-yoshlarning iqtidorlarini, mahoratlarini kashf etayotir.
E’tirof etish joizki, “Barkamol avlod” bolalar maktabida 7 yo‘nalish bo‘yicha 35 turdagi to‘garaklar faoliyat yuritmoqda. To‘garak mashg‘ulotlarini o‘z kasbining mohir ustalari o‘tkazib, yoshlarni fanlarga, kasb-hunarga bo‘lgan qiziqishini yanada oshirishga xizmat qilayotir.