Yoshlarni harbiy safarbarlikka jalb etish maqsadida

Date:

Harbiy xizmatni o‘tash har bir mard o‘g‘lonning zimmasidagi sharafli burchdir. Muddati yetib, ular harbiy safarbarlikka jalb etiladi. Xo‘sh, yigitlarimiz o‘z burchlarini o‘tashga tayyormi? Zarur ko‘nikmalarga egami? Boysun tumani hokimligida tashkil etilgan o‘quv amaliy seminarda mahallalardagi uyushmagan, profilaktik hisobda turgan yoshlar hamda umumta’lim maktablarining bitiruvchi sinf o‘quvchilari ayni savollarga javob topishlari mumkin bo‘ldi. Eng avvalo, seminarda mas’ullar tomonidan yoshlarga Harbiy xizmatga chaqiruv davrigacha bo‘lgan ko‘nikmalar va harbiy xizmatda zarur bo‘ladigan ma’lumotlar hamda tavsiyalar berib o‘tildi.
Amaliy ko‘rgazmalar orqali Chaqiruvga qadar boshlang‘ich tayyorgarlik rahbarlari tomonidan harbiy qurollardan foydalanish, tez tibbiy birinchi yordam, yong‘in chiqqanda harakatlanish va uni bartaraf etish choralari, kamondan o‘q otish singari ko‘rgazmali namoyishlar havola etildi. Jarayonni kuzatish yoshlar uchun qiziqarli va muhim ahamiyat kasb etdi. Qolaversa, seminar doirasida tashkil etilgan bo‘sh ish o‘rinlari yarmarkasi ishsiz, uyushmagan yoshlar uchun ayni muddao bo‘ldi. Ishsizlar uchun tashkilot va korxonalar tomonidan vakant lavozimlar taklif etildi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

G‘alla o‘rim-yig‘imi boshlandi

Yutimizda kuni kecha ekin-tikin ishlari boshlanib, ko‘z ochib yumguncha...

Foydali va maqsadli loyihalar ish boshlamoqda

Bugun o‘zgarishlar, yangilanishlar ostonasida turibmiz. Eng muhimi, har bir...

Qurilishga start berildi

O‘z imkoniyatlarimizdan to‘g‘ri foydalansak, jahon bozorida o‘z o‘rnimiz va...

300 polvon kurash tushdi

Kurash haqida ko‘p va xo‘b to‘xtalganmiz. Sababki, kurash yoshlarning...
KunTun
KunTun