Har yili qishki mavsumda maktablarda hamda oliy o‘quv yurtlarida ta’lim oladigan yoshlar uchun qishki ta’til berilib kelinayotir. Ular esa bundan nihoyatda mamnun holda ta’tilni intizorlik bilan kutib, ushbu kunlarni qanday o‘tkazishni reja asnosida o‘ylab qo‘yishadi. Farzandlarimizning aksariyatida vohamizning turli joylariga sayohatga borishni orzu qilishadi.
Bolajonlarimizning qishki ta’til kunlarini maroqli va mazmunli o‘tkazish maqsadida “Yoshlar turizmi haftaligi” tashkil etilib, viloyatimizning har bir tumanida davom etmoqda. Haftalik doirasida Termiz tumanining bir guruh yoshlari diqqatga sazovor joylari, ziyoratgoh va muzeylariga sayohat qilishdi.
Ha aytgancha, haftalik davomida yoshlar uchun yo‘l va transport xarajatlari, teatr, kinoteatr va konsertlarga kirishda maxsus chegirmalar belgilangan bo‘lib, muzey va madaniy meros obyektlariga kirish esa mutlaqo bepul bo‘layotgani yosh sayohatchilarga katta qulaylik tug‘dirayotir.
Dinara Qo‘zimurotova
