Sherobod tumanida Ekologiya, atrof-muhitni muhofaza qilish va iqlim o‘zgarishi vaziri A.Abduxakimovning buyrug‘iga asosan Surxon vohasida yagona hisoblangan “Surxon” davlat qo‘riqxonasiga moddiy-texnik buyumlar ajratildi. O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi tomonidan tizimidagi Muhofaza etiladigan tabiiy hududlarni rivojlantirish, kengaytirish, ish samaradorligini oshirish hamda moddiy-texnik bazasini yaxshilash maqsadida tizimli ishlar olib borilib, Ekologiya, atrof-muhitni muhofaza qilish va iqlim o‘zgarishi vaziri A.Abduxakimovning 2023-yil 20-dekabrdagi 411-sonli sonli buyrug‘iga asosan Surxon vohasida yagona hisoblangan
“Surxon” davlat qo‘riqxonasiga moddiy-texnik buyumlar ajratildi.
Jumladan, ISUZU D-MAX rusumli yo‘ltanlamas avtomashina, laboratoriya tarozisi, fotoqopqon, binokl, planshet, teplovizor, optik kuzatish trubasi, GPS-priyomnik, qop ko‘rpa, karemat va palatkalar bilan ta’minlandi. Vazirlik tomonidan ajratilgan moddiy-texnik invertarlar “Surxon” davlat qo‘riqxonasi direktori R.Turdiyev tomonidan xodimlarga tantanali tarzda topshirildi.
Ushbu invertarlardan samarali va oqilona foydalanish, o‘simlik va hayvonot dunyosiga boy qo‘riqxona hududini nazorat qilishda, ish faoliyatida yaqindan ko‘makchi bo‘lishini takidlab o‘tib, barchani kirib kelayotgan Yangi yil bilan qutlab, oilasiga tinchlik farovonlik, xonadoniga fayzu-baraka, ish faoliyatida ulkan zafarlar doimo xamroh bo‘lishini yaratgandan so‘rab bayram bilan jamoani tabrikladi.
