SHOHJAHONNING ORZUSI USHALDI

Denovlik Shohjahon uchun bu yilgi yangi yil esda qolarli bo‘ldi. Unga sovg‘a sifatida aynan orzusidagidek planshet tuhfa etildi.
12 yoshli Shohjahon 1-guruh nogironi. Tumandagi 75-maktabda yakka tartibda ta’lim oladi. Bolakay ijtimoiy tarmoqlar orqali 2023-yilda zamonaviy planshetga ega bo‘lish istagini bildirgan edi.
Surxondaryo viloyati Maktabgacha va maktab ta’limi boshqarmasi boshlig‘i Xusniddin Mamadiyev Shohjahonni xursand qilish maqsadida xonadoniga yo‘qlab bordi va bayram sovg‘asi sifatida so‘nggi rusumdagi planshetni topshirdi.
Ajoyib suhbatda bolakay o‘zining intilishlari, kelajakdagi orzulari haqida so‘zlab berdi.