Yangil yilni, ayniqsa, bolajonlar intiqlik bilan kutadi. Bayramon bezatilgan archa, ajoyib bayram tadbiri, bayram qahramonlari-yu, Qorboboning tashrifi unutilmas lahzalarni taqdim etadi. Eng qizig‘i, bayram sovg‘asini olish. Buning uchun jajji o‘g‘il-qizlar she’r va qo‘shiqlarni yod olishgan. Jarqo‘rg‘on tumandagi 4-sonli davlat maktabgacha ta’lim tashkilotida ham “Yangi yil – orzu-umidlar va ulkan niyatlar bayrami” shiori ostida katta bayram tadbiri bo‘lib o‘tdi.
Ko‘rkam va bejirim o‘rmon go‘zali – Yangi yil archasining turfa xil o‘yinchoqlar bilan bezatilgani tadbirga o‘zgacha bayram shukuhini berdi. Bayram dasturiga Qorbobo, Qor malikasi, Yalmog‘iz kampir va sehrli ertak qahramonlarining tashrif buyurishi jajji shirintoylarga quvonch ulashdi. Ular ijrosidagi sahna ko‘rinishlari kichkintoylarning hayratlariga va boy taassurotlariga sabab bo‘ldi. Tadbir ajoyib sheʼr va ashulalar, sho‘x-shodon o‘yin-kulgularga ulanib, yanada qiziqarli o‘tdi. Ha aytgancha, bolajonlar sevimli Qorbobodan sovg‘alar olishdi.
“Yangi yil – orzu-umidlar va ulkan niyatlar bayrami”
Date:
Tavsiya qilamizRelated
Bunyodkorlik ishlari qizgʻin pallada
Qishloq hududlarida zamonaviy ijtimoiy infratuzilmani rivojlantirish va maktabgacha ta’lim...
Mahorati yoshlarga ibrat
Xalqaro maydonda O‘zbekiston sharafini munosib himoya qilayotgan yosh sportchilar...
Qulay va zamonaviy ta’lim muhiti yaratiladi
Ta’lim muassasalarini zamonaviy sharoitlar bilan ta’minlash va qishloq hududlarida...
