Yutuqlari e’tirof etildi

Surxondaryo viloyati hokimligida yengil atletika bo‘yicha O‘zbekiston chempioni Shoxrux Davlatov bilan uchrashuv o‘tkazildi. E’tirof etish kerakki, yosh sportchi Qirg‘izistonda o‘tkazilgan Run the Silk Road-2023 marafoni g‘olibi, qator xalqaro marofonlar ishtirokchisi hamda Parij-2024 (Fransiya) Olimpiada o‘yinlarida ishtirok etish yo‘llanmasini qo‘lga kiritgan.
Uchrashuvda Surxondaryo viloyati hokimi Ulug‘bek Qosimov Shoxrux Davlatov erishayotgan natijalarni bir-bir tilga olib, ana shunday yosh bilan faxrlanishini ta’kidladi. Uning Olimpiada o‘yinlariga puxta tayyogarlik ko‘rishi uchun har tomonlama ko‘mak berilishini aytib, nufuzli musobaqadagi ishtirokida omadlar tiladi.