Huquqiy savodxonligi sinovdan o‘tdi

Har bir inson yoshligidan o‘z huquq va majburiyatlarini, qonunlarni o‘qib o‘rganib, xabardor bo‘lib borsagina, hayoti davomida qiyin vaziyatlarda to‘g‘ri yo‘l tuta oladi. Kelajakda tanlaydigan kasbu kori ham aynan huquq sohasi bilan bog‘liq bo‘lsa ham ajab emas. Yoshlarning huquqiy savodxonligini oshirish maqsadida maktablarda sohaga oid bilim va ko‘nikmalar berib borilmoqda. O‘z navbatida tashkil etib borilayotgan tadbir va tanlovlar ana shu bilimlarni sinovdan o‘tkazishga ham xizmat qilayotir.
“Huquqiy-ma’rifiy bilimdon” ijodiy ko‘rik-tanlovi huquqiy jihatdan savodxon yoshlarni kashf etishga yordam berib kelmoqda. Tanlovning respublika bosqichiga boysunlik o‘quvchilarimiz ham munosib ishtirok etib, yuqori natijalarni qo‘lga kiritishgani, sarflangan vaqt, berilgan bilimlar besamar ketmaganini isbotlaydi.