Dunyo polvonlari Nukusda

Qoraqalpog‘iston Respublikasining Nukus shahrida erkin kurash bo‘yicha kattalar o‘rtasida bo‘lib o‘tadigan “New Uzbekistan” xalqaro turniri bilagida kuchi, yuragida o‘ti bor polvonlarni chorladi. Qo‘shni Qozog‘iston, Qirg‘iziston, Tojikiston va Yevropa davlatlari sportchilari chorlovga javoban Nukusda jam bo‘lishdi.
Aytish kerakki, musobaqa qizg‘in va murosasiz ruhda o‘tdi. O‘z yurtining nomdor kurashchilari maydonga tushib, or uchun, g‘oliblik uchun kurashdilar. Musobaqaning 125 kilogramm vazn toifasida ishtirok etgan Jarqo‘rg‘on o‘g‘loni Namoz Abdurashidov barcha raqiblari ustidan g‘alaba qozonib, faxrli 1-o‘rinni egalladi.