…taklifi uchun ming dollar

Bugungi kunning dolzarb muammolari haqida so‘rashsa, birinchi navbatda ishsizlik, ekologik muammolarni sanashdan boshlashingiz aniq. Albatta, bu fikrlarda jon bor. UPSHIFT o‘quv lageri doirasida Surxondaryo viloyatida yashovchi o‘zbek va afg‘on yoshlari ham o‘z hamjamiyatlaridagi mana shunday ijtimoiy muammolar bilan chiqdilar hamda ushbu masalalarni hal etish yo‘llarini birgalikda, birdamlikda ishlab chiqdilar.
Qolaversa, ushbu muammolar sirasiga suvsizlik, shaharda harakatlanishidagi qiyinchiliklar, ya’ni tirbandlikarni ham kiritdilar. O‘z navbatida kelgusi uch oy davomida g‘oyalarini sinab ko‘rish uchun eng istiqbolli takliflarga boshlang‘ich ming dollar mablag‘ taqdim etiladi. Loyiha davomida TerDu talabalari va YIBT Tadbirkorlik va innovatsion gʻoyalar yoʻnalishi koordinatori Sh. Xolmamatov va tabiiy fanlar fakulteti talabalari mentorlik qilishdi.
Tanlov soʻngida tabiiy fanlar fakultetining “Watergen” jamoasi gʻoliblikni qoʻlga kiritib, ayni ularning g‘oyalari qo‘llab-quvvatlanadigan bo‘ldi. UPSHIFT dasturi Surxondaryoda Yevropa Ittifoqining moliyaviy ko‘magida amalga oshirilmoqda.