To‘rt muchangiz sog‘ bo‘lsa, ishlab, harakat qilib, yaxshi niyat bilan yig‘inib, uy xarid qilishingiz yoki imorat solishingiz mumkin. Ammo, imkoniyati cheklangan insonlarchi… ular bu borada imkonsizlikdan tushkunlikka tushishlari hech gap emas. Ammo, kuchli ijtimoiy himoya, kam ta’minlangan oilalar va jismoniy imkoniyatlari cheklangan insonlarni har tomonlama qo‘llab-quvvatlash davlat siyosati darajasiga ko‘tarilgan bir paytda bu kabi jihatlar ham e’tiborga olinayotir. “Insonga e’tibor va sifatli ta’lim” yilida bu ezgu ishlar ko‘lami tobora kengaytirilmoqda.
Qumqo‘rg‘on tumanida ham imkoniyati cheklangan fuqarolarga uy-joy qurish va ta’mirlash bo‘yicha ezgu ishlar amalga oshirilayotgan bo‘lib, “Ulug‘bek” mahallasida yashovchi qizil toifadagi ikki nafar nogironligi bo‘lgan fuqarolarning uy-joyga muhtojligi sabab tuman Mudofaa ishlari bo‘limi boshlig‘i homiyligi asosida uy-joy qurib berilmoqda. Yangi uy-joyga ega bo‘layotgan fuqrolar hamda ularning oila a’zolari esa mana shunday xayrli ishlardan o‘zlarida yo‘q xursand. Qo‘llarini duoga ochib, tashkilotchi hamda quruvchilarni duo qilishdan to‘xtashayotgani yo‘q.
H.Kamolova
