Бош саҳифа / Адабиёт / ЎЛКАМДА БАҲОР

ЎЛКАМДА БАҲОР

Далалар уйғонди, бойчечак унди,

Заминдан қор кетди, кўнгилдан ғубор.

Ярқ этган толедай қуёш кўринди,

Ўлкамда баҳордир, ўлкамда баҳор.

Қиш узоқ чўзилди, шукур, ўтди-я,

Боқийдек туюлган музлар кетди-я,

Ивишиқ кунларнинг куни битди-я,

Ўлкамда баҳордир, ўлкамда баҳор.

Баҳорда ёшликнинг тотли бўйи бор,

Баҳор эрк сингари ёруғ ва зангор.

Ёш юртим баҳордек бўлсин беғубор,

Ўлкамда баҳордир, ўлкамда баҳор.

Баҳорнинг баҳордек феъллари бордир,

Момоқалдироғи, селлари бордир.

Гоҳ сарин, гоҳ аччиқ еллари бордир,

Чунки у баҳордир, ўлкамда баҳор.

Майли-да, хуш келди, бут келди кўклам,

Тўкинлик, барака кут, келди кўклам,

Иншооллоҳ, дейлик — қут келди кўклам,

Ўлкамда баҳордир, ўлкамда баҳор.

Эркин Воҳидов

Бошқа маълумотни қидириб кўринг

JURNALISTIKANING TIRIK OSHIG‘I

Turdimurod Mustafoyev — ko‘pchilik jurnalistlar yanglig‘ sevgan sohasi ortidan naf ko‘rmay ham, nolimay ijodda bardavom …

Fikr bildirish

Email manzilingiz chop etilmaydi. Majburiy bandlar * bilan belgilangan