Termiz davlat universitetining “Janub gavhari” talabalar teatr studiyasi tomonidan buyuk adib Chingiz Aytmatovning mashhur “Momo Yer” asari asosida sahnalashtirilgan spektaklning premyerasi bo‘lib o‘tdi.
Mazkur sahna asarida universitetning iqtidorli talabalari ishtirok etib, tomoshabinlarga ulug‘ yozuvchi qalamiga xos teran mazmun va o‘tmish davr ruhini yorqin aks ettirishga muvaffaq bo‘lishdi.
Talabalarning ijodiy yondashuvi, sahnadagi tabiiy harakatlari va obrazlarning samarali talqini zalda to‘planganlar qalbida kuchli taassurot qoldirdi.
