Oʻn kunligida 100 nafar yosh…

Surxondaryolik 100 nafar yosh o‘n kun davomida “Termiz umumqo‘shin” dala poligonida tashkil etilgan “Jasorat maktabi” loyihasida ishtirok etishdi. Yoshlarni harbiy-vatanparvarlik ruhida tarbiyalash va kasb-hunarga o‘qitish hamda malakali kadrlar bo‘lib yetishishlariga ko‘maklashish maqsadida tashkil etilgan yig‘in doirasida motivatsion treninglar, kasb-hunar sirlari, biznes saboqlari va tadbirkorlik ko‘nikmalari malakali mutaxassislar tomonidan o‘rgatildi.
Shu bilan birgalikda, psixologik mashg‘ulotlar, ma’naviy-ma’rifiy tayyorgarlik, saf, jangovar tayyorgarlik hamda diqqatga sazovor joylarga sayohatlar amalga oshirildi. Yoshlar va ularning ota-onalari, harbiy xizmatchilar ishtirokida o‘tkazilgan yig‘inning yopilish marosimida yuqori natijalarni qo‘lga kiritgan yoshlar Janubiy operativ qo‘mondonligi hamda hamkor tashkilotlarning faxriy yorliq va sertifikatlari bilan taqdirlandi.