Бош саҳифа / Иқтисодиёт / Жараёнда аёллар фаоллиги

Жараёнда аёллар фаоллиги

Ўзбекистон Халқ демократик партияси вилоят Кенгаши ташаббуси билан Термиз давлат университетида “Хотин-қизларнинг сиёсий жараёнлардаги иштирокини янада кенгайтириш масалалари” ҳамда “Биз билан бир сафда бўл!” мавзуларида амалий семинар ташкил этилди.

Унда Ўзбекистон Халқ демократик партиясининг вилоят, шаҳар кенгаши масъуллари, ТерДУ ва талабалари иштирок этди. Тадбирдан кўзланган мақсад хотин-қизларнинг сиёсий жараёнларда фаол бўлиши, сайловларда муносиб номзодларга овоз бериши муҳимлигини тушунтиришдан иборат.

Семинарда ЎзХДП вилоят Кенгаши раиси Мавжуда Ҳасанова жамиятни барқарор ривожлантириш борасида аёллар ва эркакларнинг тенг ҳуқуқлилигини таъкидлаб, талаба-ёшларга партиянинг устувор мақсад ва ғояларини тарғиб қилди. Ёшларни партия сафида бўлишга чақирди.

Тадбирда халқ депутатлари шаҳар кенгаши депутати Илҳом Боқижонов талаба-ёшлар билан самимий мулоқотни йўлга қўйиш мақсадида ўз маърузасини савол-жавоб тарзида олиб борди. Фикр-мулоҳазаларга бой ўтган семинарда йиғилганлар ўзларини қизиқтирган саволларга атрофлича жавоб олишди.

Адолат МЎМИНОВА

Бошқа маълумотни қидириб кўринг

Бир ойда 8 миллион сўм

Йиғим-теримда иштирок этаётган илғор теримчилар бир ой мобайнида ғайрат қилиб пахта терсалар, оила бюджетига 7-8 …

Fikr bildirish

Email manzilingiz chop etilmaydi. Majburiy bandlar * bilan belgilangan

Optimization WordPress Plugins & Solutions by W3 EDGE