Бош саҳифа / Спорт / Умида Осиё чемпиони!

Умида Осиё чемпиони!

Шу йилнинг февраль ойида пойтахтимизда 8-12 ёшли шахматчилар ўртасида ўтказилган Ўзбекистон чемпионатида шерободлик 11 ёшли 4-синф ўқувчиси Умида Омонова муваффақиятли қатнашиб, олтин медални қўлга киритганди. Чемпионат низомига кўра, ғолиб шахматчиларга шу йилнинг июль ойида Испанияда ўтказиладиган жаҳон чемпионатига йўлланма берилганди.

Умида Омонова жаҳон чемпионатига боришдан аввал Осиё чемпионати мусобақаларида қатнашиб, маҳоратини оширишга қарор қилди. Вилоят ҳокимлигининг амалий ёрдами билан ўқувчи-шахматчи қиз 1-10 апрель кунлари Таиланд давлатида ўтказилган шахмат бўйича 12 ёшгача бўлган қизлар ўртасидаги Осиё чемпионати баҳсларида иштирок этди ва ғолиб бўлиб қайтди.

Айни пайтда иқтидорли шахматчи Умида Омонова тажрибали гроссмейстер Влади-мир Егин мураббийли-гида Жаҳон чемпионати баҳсларига пухта ҳозирлик кўраяпти.

Бошқа маълумотни қидириб кўринг

Ғолиблар муносиб тақдирланди

Олдин хабар қилганимиздек, Ўзбекистон Республикаси Президенти соврини учун ал Ҳаким ат Термизий хотирасига бағишланган кураш …

Fikr bildirish

Email manzilingiz chop etilmaydi. Majburiy bandlar * bilan belgilangan