Бош саҳифа / Сиёсат / Танқидий таҳлил қилинди

Танқидий таҳлил қилинди

Халқ депутатлари вилоят Кенгашининг навбатдаги сессияси воҳада кичик бизнес ва хусусий тадбиркорликни янада ривожлантириш-нинг долзарб масалаларига бағишланди.

Сессияда вилоят ҳокими ўринбосарлари, депутатлар, бошқармалар, корхоналар ва ташкилотлар раҳбарлари, оммавий ахборот воситалари ходимлари иштирок этишди.

Ўзбекистон Республикаси Олий Мажлис Сенати ишчи гуруҳи вилоятда кичик бизнес ва хусусий тадбиркорликни ривожлантириш масаласида ечилиши муҳим бўлган муаммоларни ўрганиб чиқди. Сессияда ана шу мавзу юзасидан Олий Мажлис Сенати Раиси Т.Норбоева маъруза қилди. Вилоятда бугунги кунда 14,5 минг тадбиркорлик субъекти бўлиб, ўтган йилнинг шу даврига нисбатан 2 мингдан зиёдга кўпайган. Воҳа аҳолисининг 235 мингга яқини кичик бизнес субъектларида бандлиги ижтимоий-иқтисодий ривожланишда соҳанинг ўрни муҳимлигини кўрсатиб турибди.

Тадбиркорлик субъектлари фаолиятини қўллаб қувватлашнинг самарали ташкил этилмаганлиги оқибатида вилоятдаги 823,2 миллиард сўмлик 184 та лойиҳа ўз муддатида бажарилмаган.

Воҳада 2,5 минг саноат корхонаси бўлиб, уларнинг кўпчилигини кичик корхоналар ташкил этади. Айни пайтда, корхоналар фаолиятини самарали ташкил этиш тизими йўлга қўйилмаганлиги сабабли, уларнинг 267 таси лойиҳа қуввати даражасида ишламаяпти, 44 та корхонада эса ишлаб чиқариш тўхтатилган.

Шунингдек, воҳада 12 та кичик саноат зонаси ташкил этилган. Кичик саноат зоналарида қиймати 87,4 миллион долларга тенг 107 лойиҳадан 72 таси амалга оширилмаган. Натижада, 1200 га яқин янги иш ўрни яратилмасдан қолган. Бундан ташқари, вилоятда кичик бизнес ва хусусий тадбиркорлик субъектлари ўртасида кооперация алоқалари бўлмаганлиги сабабли тадбиркорлар вилоятнинг ўзида ишлаб чиқарилаётган кўплаб маҳсулотларни бошқа вилоятлардан олиб келишмоқда.

Воҳадаги корхоналар томонидан ярим йилда 702 миллиард сўмлик халқ истеъмоли моллари ишлаб чиқарилган. Савдо айланмаси 4 триллион сўмдан ошган. Бу дегани ишлаб чиқарилган маҳсулот вилоят аҳолиси эҳтиёжининг 17,5 фоизини қондиради, 82,5 фоиз маҳсулот эса четдан келтирилаяпти. Вилоятда якка тартибдаги тадбиркорлик субъектлари ишлари ҳам талаб даражасида эмас. Жорий йилнинг 1 август ҳолатида рўйхатдан ўтган ЯТТ 18817 тани ташкил этади. Уларнинг 3300 дан кўпроғи амалда фаолият юритмаяпти.

Кичик бизнес ва тадбиркорлик субъектлари фаолиятини қўллаб-қуватлаш мақсадида 951 миллиард сўм кредит маблағи ажратилган. Ўтган йилгидан 30 фоизга кўп маблағ йўналтирилган. Афсуски, айрим қўштирноқ ичидаги тадбиркорлар кредит олганларига 1 йилдан 3 йилгача муддат ўтишига қарамай, объектни ишга туширишмаган. Оқибатда, 823,2 миллиард сўмлик 184 та лойиҳа ишга туширилмаган. Яна бир ачинарли ҳол, бугунги кунда белгиланган муддатида қайтарилмаган кредит ва фоиз тўловларидан вилоят бўйича 107 миллиард сўмлик қарздорлик юзага келган. Бу эса банк ва мижоз ўртасидаги муносабатларнинг етарли даражасида йўлга қўйилмагани оқибатидир.

Вилоятда “Ёшлар — келажагимиз!” Давлат дастури доирасида жорий йил 167 миллиард, 172 миллион сўмлик 874 та лойиҳани молиялаштириш белгиланган. Бу кўрсаткич бугунгача 15,2 фоиз бажарилганлигига қандай баҳо бериш мумкин? Маърузада кичик бизнес ва хусусий тадбиркорликни ривожлантиришга дахлдор бўлган барча масалалар атрофлича танқидий таҳлил қилинди.

 Музокараларда сўзга чиққанлар мавжуд камчилик ва муаммоларни бартараф этиш хусусида ўз таклиф ҳамда мулоҳазаларини билдирдилар.

Сессия кун тартибидаги масалалар юзасидан тегишли қарорлар қабул қилинди.

Сафар АЛИ

Бошқа маълумотни қидириб кўринг

ЎЗБЕКИСТОН РЕСПУБЛИКАСИ ПРЕЗИДЕНТИНИНГ ФАРМОНИ

Халқимизнинг илмий-интеллектуал салоҳияти ва маънавиятини юксалтириш, таълим, маданият, адабиёт, санъат, соғлиқни сақлаш, жисмоний тарбия ва …

Fikr bildirish

Email manzilingiz chop etilmaydi. Majburiy bandlar * bilan belgilangan

Optimization WordPress Plugins & Solutions by W3 EDGE