Сурхон тонги Ижтимоий-сиёсий газета
Ўзбекистоннинг жанубий гавҳари саналган Сурхон даёрида кечадиган I Халқаро бахшичилик санъати фестивалига мезбонлар ҳам катта тайёргарлик кўришмоқда.
Олтинсой туман “Шаршара” фольклор-этнографик ансамбли репертуарларидан ҳам турли қадимий миллий ўйин ва алёрлар, ўланлар ўрин олган.
Фестивалда бир-биридан сулув қизларни кўрган Бедор бахшининг ақли шошиб бир нима деб турган жойи:
Ўлан айтган тилларингдан айланай,
Жамалакдек сочларингга бойланай.
Изн берсанг, Ойпарим сен дил яйраб,
Қурда меҳринг олишга мен чоғланай.
Алёр айтган, алп йигитлар бириман,
Чин дўстларнинг ичидаги сириман.
Об кетайин қўнғиротнинг элига,
Қувват берсин Бойчиборнинг белига.
Алиёр РАЖАБОВ
