Бош саҳифа / Жамият / Одам савдоси – давр муаммоси

Одам савдоси – давр муаммоси

Тошкент тиббиёт академияси Термиз филиалида “Одам савдоси — давр муаммоси” мавзусида учрашув ташкил этилди.

Вилоят ИИБ одам савдосига қарши кураш бўлими, “Барқарор ҳаёт” ижтимоий маърифат маркази ва вилоят Маънавият ва маърифат бўлими билан ҳамкорликда ташкил этилган тадбирда филиал директори Н. Дияров сўзга чиқиб, талабаларни эътиборлироқ бўлишга, бўш вақтларини мазмунли ўтказишга эътибор қаратиш лозимлиги, ён-атрофимизда бўлаётган воқеаларга дахлдорлик туйғуси, адолатсизликка қарши курашиш, учраган ҳар одамга ишониб кетавермаслик лозимлиги ҳақида тўхталди.

— Ақл — тажрибага муҳтож бўлади, илм устоз билан чамбарчас боғлиқ,— дейди вилоят Маънавият ва маърифат бўлими бошлиғи Ф. Шарипов. — Суҳбат жараёнида “Эшитдим-унутдим”, “Бажардим-билдим” каби таълимий-тарбиявий методлардан фойдаланиш орқали талабаларга ижобий таъсир ўтказиш ўзининг натижасини беради, албатта.

Шунингдек, сўзга чиққанлар давра суҳбатида хорижда ишлашнинг қонуний асослари ҳамда одам савдосига қарши курашнинг мазмун-моҳиятини ёшларга етказишди. Айниқса, одам савдосининг аянчли оқибатлари ҳақида батафсил тўхталдилар.

Сайёра АЛЛАЕВА

Бошқа маълумотни қидириб кўринг

Газетанинг янги сонини ўқинг!

“Сурхон тонги” газетасининг 2020 йил 5 августдаги сонида сиз кутган мақолалар нашр этилган: — “Тез …

Fikr bildirish

Email manzilingiz chop etilmaydi. Majburiy bandlar * bilan belgilangan