Бош саҳифа / Жамият / Очиқ эшиклар куни

Очиқ эшиклар куни

Яқинда Ўзбекистон Республикаси Миллий гвардияси вилоят бўлинмасининг Термиз шаҳридаги “Н” ҳарбий қисмида “Ватан муқаддас – уни ҳимоя қилиш шарафли бурчдир” бош концептуал ғояси асосида “Мен, албатта, ҳарбий бўламан!” мавзусида очиқ эшиклар куни ўтказилди.

Тантанали тадбир ҳарбий оркестр садолари билан бошланди. Майдонда саф тортган талаба ва ўқувчиларнинг ҳарбий соҳага фахр ва ифтихор туйғусини мустаҳкамлашга, уларнинг қизиқиш ва интилишини оширишга йўналтирилган маърузалар тингланди.

Тадбирда ҳарбий хизматчиларнинг жанговар кўргазмали чиқишлари намойиш этилди. Ҳарбий техника ва қурол-яроғлар кўргазмаси ҳам ёшларнинг кўникмаларини мустаҳкамлашга хизмат қилди.

Тадбирда ҳарбий хизматчилар, талаба-ёшлар, касб-ҳунар коллежлари ва умумтаълим мактаблари ўқитувчи ва ўқувчилари иштирок этишди.

Ёшлар ҳарбий техникаларни қизиқиш билан томоша қилишди. Қурол-аслаҳалардан қандай фойдаланиш ҳақида маълумотлар олишди. Энг муҳими, очиқ эшиклар куни иштирокчи ёшларда унутилмас таассуротлар қолдирди.

Ўз мухбиримиз

Бошқа маълумотни қидириб кўринг

Осойишталик посбонлари эҳтиёжманд 1000 оилага ўн турдаги озиқ-овқат маҳсулоти етказиб бермоқда

Сурхондарё вилояти ички ишлар идоралари ходимлари Президентимиз томонидан илгари сурилган “Саховат ва кўмак” умумхалқ ҳаракатини …

Fikr bildirish

Email manzilingiz chop etilmaydi. Majburiy bandlar * bilan belgilangan