Бош саҳифа / Жамият / Ноўрин танбеҳ

Ноўрин танбеҳ

Ўқитувчи кичик синф ўқувчиларига мурожаат қилди:

— Эртага синфимиз билан муқаддас қадамжоларни зиёрат қилишга борамиз. Бугун ҳамма йўл тадоригини кўриб, эртага эрталаб соат саккизда мактаб ҳовлисига йиғилсин. Тушунарлими болажонлар.

— Ҳа, — дейишди бир овоздан.

Олд партада ўтирган Олимжон:

— Устоз, йўл жуда узоқми, егулик ҳам олайликми? — деб сўради.

— Ҳа, узоққа борамиз, оналарингиз бирор егулик тайёрлаб беришса ҳам майли.

Ҳаммадан орқада ўтирган Комилжон эса қимтинибгина қўл кўтарди, унга сўз беришгач, деди:

— Устоз, мен узоққа боролмайман.

— Нега энди?

— Ахир ўзингиз айтгандингизку, бу билиминг билан узоққа бормайсан, деб.

Хонада гуррос кулги кўтарилди. Ўқитувчи эса берган танбеҳи туфайли ўқувчисининг ўзига бўлган ишончини йўқотганидан мулзам бўлди.

Зумрад АБДУЛЛАЕВА,
Термиз шаҳридаги
13-умумтаълим
мактаби ўқувчиси

Бошқа маълумотни қидириб кўринг

Янги ўқув йилидан хорижий тиллар ўқитувчиларига 50 фоиз устама тўланади

021 йил 19 майда давлат раҳбарининг “Ўзбекистон Республикасида хорижий тилларни ўрганишни оммалаштириш фаолиятини сифат жиҳатидан …

Fikr bildirish

Email manzilingiz chop etilmaydi. Majburiy bandlar * bilan belgilangan