Бош саҳифа / Жамият / Муносиб рағбат

Муносиб рағбат

Термиз шаҳридаги “Ёшлар маркази”да Термиз гарнизонида жойлашган ҳарбий қисм хизматчилари ва уларнинг оила аъзолари иштирокида очиқ мулоқот ўтказилди.

Унда Президентимизнинг 2018 йил 2 февралдаги “Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятини тубдан такомиллаштириш чора-тадбирлари тўғрисида”ги фармони ижросини таъминлаш, Мудофаа вазирлиги қўшинларида хотин-қизларнинг ижтимоий-сиёсий фаоллигини янада ошириш, уларга қулай шарт-шароит яратиш масалалари ўртага ташланди. Шунингдек, сўзга чиққанлар Қуролли Кучларда олиб борилаётган ислоҳотлар, хизматчилар учун берилган имтиёзлар ҳақида тўхталдилар.

—    Ҳарбий хизматчиларни ижтимоий қўллаб-қувватлаш мақсадида уларнинг фарзандларига олий таълим муассасаларига 5 фоизли квота асосида ўқишга кириш имконияти яратилди, — дейди полковник Ж. Аъзамов. — Қолаверса, хизматчиларга уй-жой учун узоқ муддатли ипотека кредитлари, имтиёзли автокредитлар ажратилаётгани энг яхши рағбатдир.

Сайёр мулоқотда ҳарбий хизматчилар фарзандларини мактабгача таълим муассасалари ва мактабларга жойлаштиришда учраётган муаммолар, ҳарбийларнинг маълумотга эга турмуш ўртоқларини иш билан таъминлаш масаласида мурожаат қилишди. Бу муаммолар қисқа муддатда ўз ечимини топадиган, хизмат бурчини ўташ вақтида ҳалок бўлган ёки имконияти чекланган собиқ ҳарбий хизматчиларнинг оила аъзоларига моддий ва маънавий ёрдам кўрсатиладиган бўлди.

Нилуфар ШАЙМАНОВА,
хотин-қизлар ва ҳарбий хизматчилар-
нинг оила аъзолари билан
ишлаш бўйича етакчи мутахассис

Бошқа маълумотни қидириб кўринг

Япониялик журналистлар воҳамизда

Япониялик журналистлар Сурхондарё вилоятидаги ижодий сафарини Термиз туманидаги Султон Саодат меъморий мажмуаси ва Қирққиз тарихий …

Fikr bildirish

Email manzilingiz chop etilmaydi. Majburiy bandlar * bilan belgilangan

Optimization WordPress Plugins & Solutions by W3 EDGE