Бош саҳифа / Жамият / Муаммо бартараф этилди

Муаммо бартараф этилди

Газетанинг жорий йил 7 мартдаги 18-сонида чоп этилган “Масъулиятсизликнинг охири борми? Ёхуд Ангорликларнинг муаммолари хусусида” номли мақоласида кўрсатилган камчиликлар юзасидан 1-сектор аъзолари ва тегишли масъул ташкилотлар томонидан қуйидаги ишлар амалга оширилди.

“Гиламбоб” маҳалласидаги Бозор Алланазаровнинг мурожаати юзасидан фуқаро маҳаллага жамоат ишига жойлаштирилиб, фарзандига 14 ёшгача нафақа пули тайинланди. Шунингдек, уйини таъмирлаш ҳақидаги мурожаати махсус комиссия томонидан ўрганилиб, секторнинг 2-чорак йўл харитасига киритилди. Шунингдек, маҳалла фуқароси Назар Ҳакимов суюлтирилган газ баллони билан таъминланди. Маҳалладаги жамоат ишига ишга жойлаштирилиб барча муаммолари тўлиқ бартараф этилди. Матлуба Исломованинг ҳам  фарзандига 14 ёшгача нафақа пули тайинланди. Турмуш ўртоғи Соат Хўжаназаровнинг паспорт олиши учун ҳужжатлари туман миграция ва фуқаролик расмийлаштириш бўлимига топширилиб, тўловлар туман ҳокимлиги томонидан тўлаб берилди. Уйини таъмирлаш ишлари секторнинг 2-чорак йўл харитасига киритилган.

“Хомкон” маҳалласида яшовчи Каромат Валиеванинг мурожаатига жавобан суюлтирилган газ баллони берилиб, фуқаролик паспорти ҳам олиб берилди. Яшаб турган уйини таъмирлаш эса секторнинг 2-чорак йўл харитасига киритилди. Шу маҳаллада истиқомат қиладиган Пардахол Абдуғаниеванинг саломатлигини тиклаш бўйича қилган мурожаати юзасидан сектор раҳбари унинг хонадонига бориб, ўрганди. Фуқаро қорин чурраси ташхиси билан туман тиббиёт бирлашмасига ётқизилиб, жарроҳлик амалиёти ўтказилди. Шунингдек, фуқарога ногиронлик аравачаси берилди.

Сектор ҳудудидаги 10-сонли мактабгача таълим муассасаси атрофини девор билан ўраш масаласи секторнинг 2-чорак йўл харитасига киритилди. Шунингдек, вилоят мактабгача таълим бошқармасига ҳам тегишли таклифлар билдирилди.

Секторда иш юритиш давлат идораларидагидек йўлга қўйилган бўлиб, фуқароларнинг мурожаатларини ижобий ҳал этиш борасида тизимли ишлар амалга оширилаётганини маълум қиламиз.

Б.ИБАТОВ,
Ангор тумани ҳокими, 
1-сектор раҳбари

Бошқа маълумотни қидириб кўринг

Жарима тўлади

Бугунги кунда юртимизда тадбиркорлик билан шуғулланиш истагида бўлган шахсларга ҳамма қулайликлар яратилган. Жумладан, кўпчилик шахсий …

Fikr bildirish

Email manzilingiz chop etilmaydi. Majburiy bandlar * bilan belgilangan

Optimization WordPress Plugins & Solutions by W3 EDGE