Бош саҳифа / Жамият / Меҳрибонлик уйи тарбияланувчиларига ID карта берилди

Меҳрибонлик уйи тарбияланувчиларига ID карта берилди

Биласиз, юртимизда фуқаролик паспорти ўрнига  ID-картасини олиш тартиби жорий қилинди. Замон талаби ва фуқароларга янада қулайлик яратиш мақсадида амалиётга киритилган бу тизим ҳукуматнинг 2020 йил 13 март кунидаги 129-сонли  “Ўзбекистон Республикасида индентификация ID-карталарини жорий этиш чора-тадбирлари тўғрисида”ги  қарори билан тартибга солинади.

Мазкур амалиёт вилоятимиз ҳудудида ҳам бошлаб юборилди. Куни кеча вилоят миграция ва фуқароликни расмийлаштириш бошқармаси ходимлари томонидан Термиз шаҳридаги Меҳрибонлик уйининг 16 ёшга тўлган 5 нафар тарбияланувчилари номига расмийлаштирилган ID-карталар тантанали равишда топширилди.

Бундан ташқари, бошқарма ходимлари томонидан айни кунларда барча ҳудудларда белгиланган намунадаги ID-карта берилиш тартиби, унинг афзалликлари бўйича тарғибот-ташвиқот ишлари ҳам олиб борилаяпти, – дейди вилоят ИИБ Миграция ва фуқароликни расмийлаштириш бошқармаси фуқаролик масалаларини кўриб чиқиш гуруҳи катта инспектори, катта лейтенант Турғун Усанов. — Бу эса фуқароларнинг ушбу янги тартиб бўйича батафсил маълумотга, тушунчага эга бўлишларини таъминлайди.

Феруза Раҳмонқулова

Бошқа маълумотни қидириб кўринг

Талабалар учун вилоят ҳокими стипендияси жорий қилинади

Ёшлар фестивали доирасида “Ҳоким ва ёшлар” учрашуви бўлиб ўтди. Санъат саройи атрофидаги боғда ўтган учрашув …

Fikr bildirish

Email manzilingiz chop etilmaydi. Majburiy bandlar * bilan belgilangan