Бош саҳифа / Маданият / Ҳунармандчиликка бағишланди

Ҳунармандчиликка бағишланди

Халқ ҳунармандчилигининг кулолчилик, наққошлик, каштачилик, тикувчилик, тўқувчилик, зардўзлик каби турлари асрлар давомида ота-боболаримиз, момо ва оналаримиз томонидан авлоддан авлодга мерос бўлиб ўтиб келмоқда.

Миллий қадриятларимизни англаб етишда халқ ҳунармандчилигининг ўрни беқиёсдир. Шунинг учун вилоят тарих ва маданият давлат музейи жамоаси халқ ҳунармандчилиги намуналарини йиғиш, ўрганиш, осори атиқалардан, ҳунармандчилик буюмларидан кўргазмалар ташкил этиш, моҳир ҳунармандлар фаолиятини кенг тарғиб қилишга катта эътибор бермоқда.

Яқинда вилоят тарих ва маданият музейида ташкил этилган “Ҳунарга бой бўлган Сурхоним!” тадбири ана шу мавзуга бағишланди. Кўплаб томошабинлар ва Термиз шаҳридаги 11-мактабнинг 9-10-синф ўқувчилари иштирокида халқ ҳунармандчилиги буюмлари кўргазмаси намойиш этилди ва томошабинларга улар ҳақида кенг тушунча берилди. Тадбирда музей ходимлари Гулчеҳра Юзбоева, Моҳигул Ходжаева, Юлдуз Зоирова, Зарифа Тўрахоновалар фаол иштирок этди.

Мактабнинг 9-синф қизлари Шўрчи тумани ҳунарманди Иқлима Тошбоева томонидан таёрланган миллий либослар ва тақинчоқларни намойиш этишди.

Юлдуз ЗОИРОВА,
музей этнография бўлими
етакчи мутахассиси

Бошқа маълумотни қидириб кўринг

Маданий бойликлар тўхтатиб қолинди

“Айритом” чегара божхона постига кириб келган хориж фуқароси А.Ш. назоратдан ўтказилганда, унга тегишли бўлган сумка …

Fikr bildirish

Email manzilingiz chop etilmaydi. Majburiy bandlar * bilan belgilangan

Optimization WordPress Plugins & Solutions by W3 EDGE