Бош саҳифа / Маданият / Энг яхши Чақирувга қадар бошланғич тайёргарлик фани ўқитувчиси

Энг яхши Чақирувга қадар бошланғич тайёргарлик фани ўқитувчиси

Мактабимизда чақирувга қадар бошланғич тайёргарлик, деган фан ўтиларди. Рус тили ўқитувчимизга бириктириб қўйишгани учун тузук-қуруқ дарс ҳам бўлмасди. Ўша соатни ўйин ўйнаб ўтказардик.

Лекин бугун ушбу фанни айнан ҳарбийликдан нафақага чиққан офицер-кадрлар ўтаётгани, дарсларда қурол-аслаҳалар ва бошқа кўргазмали қуроллардан фойдаланилаётгани ўқувчиларнинг қизиқишини оширмоқда.

Жануби-ғарбий махсус ҳарбий округ тасарруфидаги Термиз гарнизонида жойлашган ҳарбий қисмда шаҳар ва туман умумтаълим мактабларидаги энг яхши Чақирувга қадар бошланғич тайёргарлик фани ўқитувчилари учун кўрик-танлов ўтказилди. Унда туман босқичида ғолибликни қўлга киритган ўқитувчилар ўзаро беллашишди.

Иштирокчилар отиш тайёргарлиги, оммавий қирғин қуролларидан ҳимояланиш востиларини кийиш нормативи бўйича, саф тайёргарлиги, АК-74 автоматини нотўлиқ қисмларга ажратиш ва йиғиш ҳамда Чақирувга қадар бошланғич тайёргарлик фани бўйича ўқув моддий воситалари мавжудлиги ва бугунги кундаги ҳолати бўйича синовлардан ўтказилди.

Кўрик-танлов натижаларига кўра иштирокчилар 2 та номинация бўйича тақдирланишди.

“Энг яхши Чақирувга қадар бошланғич тайёргарлик фани ўқитувчиси” номинацияси бўйича:

1-ўринни Узун тумани 1-касб-ҳунар мактаби ўқитувчиси, резервдаги подполковник Отабек Шерматов,

2-ўринни  Ангор туманидаги 14-умумтаълим мактаби  ўқитувчиси, резервдаги подполковник Зафар Джумаев,

3-ўринни Сариосиё туманидаги 17-умтаълим мактаби ўқитувчиси, захирадаги лейтенант Нуриддин Абдуллаевлар олишди.

Чақирувга қадар бошланғич тайёргарлик фани бўйича “Энг илғор таълим муассасаси” номинацияси бўйича:

 1-ўрин Денов тумани 20-умумтаълим мактаби ўқитувчиси Абдусамат Боймуродов,

2-ўрин Қумқурғон тумани  25-умумтаълим мактаби ўқитувчиси, резервдаги майор Йўлдош Холмўминов,

3-ўрин Қизириқ тумани  8-умумтаълим мактаби ўқитувчиси, резервдаги майор Холмурод Ҳамраевларга насиб этди.

Кўрик-танлов ғолибларига вилоят ҳокимлиги ва мудофаа ишлар бошқармаси томонидан диплом ҳамда қимматбаҳо совғалар берилди.

Тадбир сўнгида вилоят мудофаа ишлар бошқармаси фахрийлар кенгаши раиси, захирадаги подполковник Неъмат Ёқубов 5 нафар фахрийга Мудофаа вазирининг ташаккурнома ва қимматбаҳо совғаларини топширди.

Акбар Аҳмедов, Термиз гарнизони, III даражали сержант

Бошқа маълумотни қидириб кўринг

Ijodkor o‘qituvchilar nazmi

“Surxon nashr” nashriyotida chop etilgan “Ustoz va shogird” kitobining mualliflari — mutaxassisligi bo‘yicha fizika-matematika fani …

Fikr bildirish

Email manzilingiz chop etilmaydi. Majburiy bandlar * bilan belgilangan