Эл фаровонлиги йўлида

Бугун деҳқонларнинг бош қашишга вақти йўқ. Бепоён пахтазорларда зарбдор қирқ кунлик эълон қилиниб, ҳосилга ҳосил қўшиш учун агротехник тадбирлар сифатли бажарилишига эришилаётир. Деҳқонларимиз ғалладан бўшаган 97 минг гектар даланинг тенг ярмига турли қишлоқ хўжалик экинларини ўстиришаяпти. 1300 гектар майдонда турфа сабзавотлар, 22 минг гектар майдонда дуккакли экинлар парваришланаяпти.

Азал-азалдан Сурхондарёнинг кечки қовунлари ширинлиги билан кўпларни маҳлиё қилган. Шу боис, деҳқонларимиз бу йил қарийб 5 минг гектар майдонда кечки қовун-тарвуз парваришлашаяптики, кўп кузга бориб бозорларимизни арзонлашувига хизмат қилади. Ўсимлик мойига талаб ортиб бораётган бир пайтда деҳқонларимиз соя ва ер- ёнғоқ парваришига ҳам катта эътибор қаратишаяпти.