Бош саҳифа / Спорт / Чемпион

Чемпион

Хушхабарнинг қаноти бор, деб бежизга айтишмайди. 14 май Шерхон аканинг ўғли Шерзод Қирғизистон давлатининг Ўш шаҳридан сим қоқиб, муай-тай бўйича профессионаллар ўртасида чемпион бўлганлигини айтганда, бутун оила аъзоларининг қалби севинчга тўлди.

Ёшлик — шубҳасиз, инсон умрининг энг гўзал фаслидир. Бебаҳо неъмат саналгувчи умрни ҳар ким ҳар хил яшаб ўтади. Кимдир сув тараб, дала-даштларни яшнатиб боғ-роғ барпо қилади, яна кимдир илму маърифати билан инсонлар қалбига нур олиб киради. Шундай инсонлар ҳам борки, аввало, юрт шаъни, обрўсини юксакларга кўтариш, дунёга танитиш учун астойдил ҳаракат қилади. Таъбир жоиз бўлса, термизлик Шерзод Алиқулов ҳам шубҳасиз, шундай ёшлардан.

Шерзод Алиқулов 1998 йилда Термиз шаҳрида таваллуд топди. Дастлаб, шаҳардаги 15-умумтаълим мактабида, кейинчалик Тошкент темир йўл коллежида таҳсил олди. У спортнинг муай-тай тури билан 13 ёшидан мунтазам шуғуллана бошлади. Илк устози Баҳодир Жияновдан муай-тайнинг сир-асрорларини ўрганди. Машғулотлар жараёнида мураккаб усулларни такомилига етказди. Бу албатта, ўз самарасини берди.

2016 йил октябрда Қозоғистоннинг Чимкент шаҳрида 63,5 килограмм вазнда Осиё чемпионатида илк олтин медални қўлга киритиб, юртимиз байроғини кўкларга кўтарди. Ўтган йиллар мобайнида эришган ютуқлари ҳам салмоқли бўлди. 2017 йилда муайтайнинг ватани бўлмиш Таиланднинг Бангкок ҳамда Туркиянинг Истанбул шаҳрида иккинчи, Бухородаги халқаро турнирда биринчи ва ниҳоят, жорий йилнинг 11-14 май кунлари қўшни Қирғизистоннинг Ўш  шаҳрида бўлиб ўтган халқаро турнирда фахрли биринчи ўринни олиб, олтин медални қўлга  киритди.

Шерзод Алиқулов бугунги кунда Термиз темир йўл, алоқа ва ишорат корхонасида ўз мутахассислиги бўйича фаолият кўрсатиб келмоқда. Келгусида Ватанимиз шарафини халқаро майдонларда муносиб ҳимоя қилаётган Шерзод сингари ёшларнинг сафи янада кенга йишига тилакдошмиз.

Холмуҳаммад ТОҒАЙМУРОДОВ

Бошқа маълумотни қидириб кўринг

Энг яхши спортчи оила

Болаларни спортга ошно қилиш учун энг яхши восита бу ота-она намунасидир. Ўзбекистон Республикаси Миллий гвардияси …

Fikr bildirish

Email manzilingiz chop etilmaydi. Majburiy bandlar * bilan belgilangan