Бош саҳифа / Таълим / Болажонлар ардоқда

Болажонлар ардоқда

Институтни тамомлаган Хурсан Бозорова бундан қирқ беш йил илгари Денов шаҳридаги боғчада иш фаолиятини бошлаган эди.1990 йилдан  21-МТМ мудираси сифатида фаолият юритмоқда.

— Масканимиз бундан 34 йил илгари қурилган бўлиб, ҳозирда 120 нафар кичкинтой тарбияланади, — дейди халқ таълими аълочиси Хурсан Бозорова. — Болаларни яхши кўраман, уларнинг самимияти, беғубор олами менда ҳамиша покиза туйғуларни  кўнглимга  солади. Болажонлар ўртасида “Соғломжон — полвонжон”, “Жажжи гўзал”, “Салом — одобдан бошланади”, “Хайр, боғчажон” каби қатор кўрик-танловлар ўтказиб турилади. Еттита гуруҳдаги тарбияланувчиларга “Болажон” таянч дас- тури асосида таълим-тарбия берилмоқда.

Мактабгача таълим муассасасида жорий ўқув йили давомида 6 та педагогик кенгаш йиғилиши, туман бўйича 1 та семинар, 5 маротаба очиқ дарс машғулотлари ўтказилган. Шунингдек, болаларнинг тўғри овқатланиши, шахсий гигиена қоидаларига риоя қилиш ва турли юқумли касалликлар профилактикасини олиб бориш бўйича ҳамшира Ж. Тиллаева  томонидан чора-тадбирлар ишлаб чиқилган. Бундан таш- қари, мудира саъй-ҳаракати ва ота-оналар ёрдами билан кичик кутубхона ташкил этилган.

М. Азимова, С. Ёдгорова, Ш. Қиличева сингари тажрибали меҳрибон тарбиячилар хизматидан доимо ота-оналар мамнун.

— Ҳурматли Президентимиз Шавкат Мирзиёев томонидан жорий йилнинг 9 сентябрида қабул қилинган “Мактабгача таълим тизимини тубдан такомиллаштириш чора-тадбирлари тўғрисида”ги қарор соҳа вакиллари олдига янада масъулият юклади, — дейди мудира.

— Бир сўз билан айтганда, Хурсан Бозорова раҳбарлик қилаётган муассаса тарбияланувчиларининг бахтиёр нигоҳлари, ота-оналарнинг мамнунлиги бу жамоада ишлар яхши йўлга қўйилганидан далолат беради.

С. ЖИЯНОВ

Бошқа маълумотни қидириб кўринг

22.3 миллион сўм мукофот

Президентимизнинг иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш борасидаги қарори, …

Fikr bildirish

Email manzilingiz chop etilmaydi. Majburiy bandlar * bilan belgilangan

Optimization WordPress Plugins & Solutions by W3 EDGE