Бош саҳифа / Таълим / “Бодиҳаво”да янги мактаб

“Бодиҳаво”да янги мактаб

Денов туманидаги “Шаҳринав” маҳалласи ҳудудидаги “Бодиҳаво” қишлоғида жойлашган 36-умумтаълим мактаби педагогик жамоаси ва ўқувчилари ўқув йилини янги мактабда бошлашди.

Тажрибали қурувчи Бегмат Райимназаров раҳбарлигидаги “Қизириқ бинокори” масъулияти чекланган жамияти бунёдкорлари 360 ўринга мўлжалланган мактаб биносини сифатли қуриб бердилар.

— Илм даргоҳимизга бўлган эътибор туфайли  ўтган асрнинг олтмишинчи йилларида бунёд этилган эски бинолар ўрнига янги бино барпо этилди. Синфхоналар   кенг, ёруғ, шинам, — дейди мактаб директори Абдурашид Норов. — Қурилиш тугаши билан мактабимизга парта, стол-стул, доска ва бошқа  янги жиҳозлар келтирилди. Кутубхона фонди янги китоблар ҳисобига бойиди. Педагогларимиз ва ўқувчиларимиз ҳукуматимиз томонидан таълим соҳасига кўрсатилаётган бу ғамхўрликларга жавобан фақат аъло ўқиш ва сифатли ўқитиш йўлида изланишларни давом эттиришаяпти.

Янги мактаб атрофи жамоанинг саъйи ҳаракати билан ободонлаштирилди, гул ва дарахт кўчатлари ўтқазилди.

 

Бошқа маълумотни қидириб кўринг

Salla desam, kallami?!

Sherobod tumani xalq ta’limi bo‘limi mudiri o‘rinbosari Hakim Choriyev bilan suhbatimiz ta’lim tizimiga oid keskin …

Fikr bildirish

Email manzilingiz chop etilmaydi. Majburiy bandlar * bilan belgilangan