Бош саҳифа / Жамият / БАЙРАМ ШУКУҲИ

БАЙРАМ ШУКУҲИ

Бугун Сурхон заминида ҳамма томон гул билан бурканган. Санъат саройи майдони мўъжизалар майдончасига айланган.

Ҳақиқатдан ҳам Халқаро бахшичилик санъати фестивали чинакам тўйга айланиб кетди. 75 та мамлакатдан келган сайёҳлар юртимиз гўзаллигидан хайратга тушганини бир кўрсангиз. Юртбошимизнинг байрамга ташриф буюриши, фес-тивалнинг очилишига бош бўлиб қадимий анъаналаримиз, урф-одатларимизга катта эътибор беришлари бизни қувонтирди. Мен ҳам шу байрамда қатнашиб “Ўзбек аёли” тимсолини саҳнада гавдалантирдим.

Республикамизнинг барча вилоятлари, Сурхон воҳасининг ҳамма тумани-ю шаҳарларида яшовчи меҳнаткаш халқ вакиллари ўзларининг қадимий кашта-безакларини олиб келганлар. Фарғона, Марғилон атласларию адраслари кўзни қамаштиради. Бир томонда дорбозлар, бир томонда учар гилам, афсунгарларнинг ҳавода муаллақ туриши ҳаммага қувонч бағишлайди. Айниқса, бахшиларнинг ширали овози, хусусан, узунлик Ҳамза бахшининг айтган термалари ҳаммани сел қилди.

Бахшининг ширали овозини тинглар эканмиз, Президентимизнинг “Бахшилар нафақат халқ ўтмишининг акс-садоси, айни пайтда бугунги куннинг ҳам жарангдор овозидир” деган гапи нақадар тўғри эканлигини анг ладик. Бундай байрамлар тинч ва осуда юртимизга ярашишига яна бир бор амин бўлдик.

Иқлима ПРИМҚУЛОВА,
Термиз шаҳар 7-умумий ўрта
таълим мактаби ўқитувчиси

Бошқа маълумотни қидириб кўринг

“Аёл ва замон” марказида янги лойиҳа

Воҳамиз ижтимоий-иқтисодий ҳаётида нодавлат нотижорат ташкилотларининг ҳам ўз ўрни бор. Бу борада “Аёл ва замон” …

Fikr bildirish

Email manzilingiz chop etilmaydi. Majburiy bandlar * bilan belgilangan