Бош саҳифа / Жамият / Балиқ овлаш тақиқланади!

Балиқ овлаш тақиқланади!

Ҳар йили баҳорда “Ўзбекистон Республикаси ҳудудида ов қилиш ва балиқ овлаш қоидалари” талаблари ҳамда экология ва атроф-муҳитни муҳофаза қилиш давлат қўмитасининг тегишли буйруғига асосан республикамиз ҳудудида балиқларнинг табиий кўпайиш даври белгиланади.

Жорий йилнинг 16 апрелидан 31 майигача балиқларни овлаш тақиқланади. Чунки шу даврда жониворларнинг уруғ қўйиш ва кўпайиш жараёни кузатилади.

Шунга кўра, вилоят ҳудудидаги барча табиий сув ҳавзаларида браконьерларга қарши курашиш кучайтирилиб, моторли қайиқларни сувга туширишга йўл қўйилмайди.Фақат ҳаваскор балиқчиларга қармоқларда (илмоқлар) балиқлар сони 5 тадан ортмаган ҳолда овланишига йўл қўйилади.

Вилоят экология ва атроф-муҳитни муҳофаза қилиш бошқармаси ходимлари мавсум давомида воҳадошларимизни бу ишга бефарқ бўлмасликлари, жойларда жамоатчилик назоратини олиб бориш, агар қонун бузилиш ҳолатлари кузатилганда, бундай шахсларга нисбатан қонуний чора кўрилишида соҳа мутахассисларига яқиндан кўмак беришларини сўрайди.

М. НОРМАМАТОВ, Ш. ИБРАГИМОВ,
вилоят экология ва атроф-муҳитни муҳофаза қилиш
бошқармаси мутахассислари

Бошқа маълумотни қидириб кўринг

Сариосиёдаги олис тоғли ҳудуд — “Чош”ликлар ҳаётидан ҳикоя

Сариосиё туманининг олис тоғли ҳудудида жойлашган “Чош” маҳалласида 399 та хўжаликда 1610 нафар фуқаро истиқомат …

Fikr bildirish

Email manzilingiz chop etilmaydi. Majburiy bandlar * bilan belgilangan