Байрам шарафига

Қутлуғ аём, Ўзбекистон Конституцияси қабул қилинганлигининг 25 йиллиги  муносабати билан вилоят мусиқали драма театри жамоаси ўзига хос совға ҳозирлади.

Ёзувчи ва драматург Холиқ Хурсандовнинг “Жаннат излаб” спектаклини вилоятимиздаги касб-ҳунар коллежлари, академик лицейлар, олий ўқув юртлари талабалари ҳукмига ҳавола этишни бошлади.

Бу асарнинг мазмун-моҳияти унда кўтарилган муаммолар бугун давр руҳини ўзига сингдирган бўлиб, ёшларни эл-юртга муҳаббат, Ватанга садоқат, миллий қадриятларга эҳтиром руҳида тарбиялайди.

Спектакль дастлаб Термиз шаҳридаги касб-ҳунар коллежлари ва академик лицейларда намойиш этилмоқда. Ўйлаймизки, бу саҳна асари устоз-мураббийлар, талаба ва ўқувчиларга манзур бўлади.

Сафар АЛИ